Situata midis Iranit dhe Izraelit është në pikun e tensioneve, duke ngritur alarme në Uashington për mundësinë e një konflikti të madh. John Kirby, koordinator i Komunikimeve Strategjike të Këshillit të Sigurisë Kombëtare të SHBA-së, bëri këtë deklaratë për CNN. Ai theksoi se Shtetet e Bashkuara janë shumë të shqetësuara për këtë skenar, duke pasur parasysh kërcënimin shumë real nga Irani ndaj Izraelit.
“Një nga gjërat për të cilat Kryeministri izraelit dhe Presidenti folën sot ishte ky kërcënim shumë publik shumë real nga Irani ndaj Shtetit të Izraelit,” shtoi Kirby.
Në lidhje me mbrojtjen e Izraelit, Kirby tha se ndihma e sigurisë që Shtetet e Bashkuara ofrojnë nuk është vetëm për Gazën, por për të mbrojtur shtetin kundër kërcënimeve të ndryshme.
Paraprakisht, një media izraelite raportoi se Izraeli po përgatitej për sulme të mundshme iraniane, pas sulmit vdekjeprurës në konsullatën e Iranit në Siri. Ky ndërhyrje e mundshme në një konflikt të mëtejshëm ka nxitur shqetësime të mëdha në nivel ndërkombëtar.
