Është përcaktuar sot dëmshpërblimi për familjarët e ish-kryekomisarit të vrarë, Artan Çuku. Shifra që Drejtoria e Policisë dhe Ministrisë së Brendshme arrin deri në 130 milionë lekë të reja.
Më herët familja Çuku ka kërkuar 30 milionë euro, pasi sipas familjes së të ndjerit, Çuku është vrarë për shkak të neglizhencës që ka treguar shteti ndaj detyrës së tij.
Si ndodhi ngjarja:
Motivi që mendohet të kenë shtyrë Jambellin të urdhëronte vrasjen e Cukut, e cila kushtoi 20 mijë euro, është rihapja e një dosjeje në vitin 2012, kohë kur kryekomisari ishte Drejtor i Policisë Vlorë. Kryekomisari gjeti prova të reja për vrasjen e Shpëtim Mukës dhe Ervis Shehut në vitin 1997, e njohur si masakra e “Pusit të Mezinit” dhe Jambelli u arrestua.
Pavarësisht se u prangos nga i ndjeri, 38-vjeçari u la i lirë nga gjykatat shqiptare për mungesë provash në vitin 2013 madje mori edhe mbi 500 mijë lekë dëmshpërblim nga shtetit për ditët e burgut. Por ditët e burgut nuk u harruan, dhe 4 vite më vonë Jambelli urdhëroi efektivit.
Atentati ndaj Artan Cukut u krye në datën 7 prill të vitit 2017 në hyrjen e pallatit ku banonte viktima, tek rruga e ‘Kosovarëve’ tek Liqeni Artificila në Tiranë. Për vrasjen e kryekomisarit ra në pranga Mikel Shallari, i cili rrëfeu të plotë të gjithë organizimin e vrasjes dhe se porositësi ishte Bledar Jambelli. Ky i fundit ende ndodhet në Gjermani pasi nuk po ekstradohet nga pala greke.
