Për rreth shtatë orë mbrëmjen e 17 gushtit pesë persona përdhunuan një të mitur në Prishtinë.
Polica ka arrestuar deri tani katër persona, në mesin e të cilëve edhe një i mitur. Sipas prokurorisë teksa 11-vjeçarja po ecte në park i janë afruar tre persona ku fillimisht e kanë ngacmuar me fjalë e pastaj e kanë tërhequr në një qoshe ku kanë filluar ta zhveshin.
Ndërkohë mediat kosovare raportojnë se një prej të dyshuarve të ndaluar për përdhunimin e 11-vjeçares në Prishtinë, është dhunuar rëndë nga të dënuarit e tjerë në ambientet e paraburgimit ku po mbahet.
26-vjeçari, Ekrem Rexhepi është sulmuar fizikisht nga të burgosurit në qendrën e paraburgimit në Prishtinë dhe për këtë arsye është transferuar në burgun e Sigurisë së Lartë në Dyz të Podujevës.
Lajmi është konfirmuar nga avokati i të dyshuarit i cili shton se gjendja e tij shëndetësore nuk është e mirë dhe se klienti refuzon të tregojë sesi ka ndodhur ngjarja.
“Gjendja e tij s’është e mirë, mbrëmë kam marrë informatë që ai ndodhet në burgun e Sigurisë së Lartë, është transferuar nga Prishtina pasi është sulmuar nga të burgosurit e tjerë. Transferimi ka ndodh meqenëse i është rrezikuar edhe jeta”, deklaroi avokati.
Vlen të theksohet se përdhunimi i një të miture në Prishtinë, ka ngjallur reagimin e institucioneve dhe organizatave për mbrojtjen e të drejtave, të cilat kanë ngritur alarmin për numrin e lartë të dhunimeve ndaj vajzave.
