Disa ditë më parë emisioni “Gjurmë shqiptare” ka realizuar një dokumentar të titulluar “Mashtrimi serb me objektet e kultit të krishterë në Kosovë”, ku tregohej sesi serbët kishin përvetësuar kishat iliro-arbërore.
Disa fakte historike që janë paraqitur në këtë dokumntra kanë “ngritur në këmbë” Serbinë.
Lidhur me këtë ka reaguar edhe shef i zyrës për Kosovën në qeverinë e Serbisë, Marko Gjuriq, duke akuzuar gazetarin Mema, ku thotë se Serbia asnjëherë nuk do të heq dorë nga shenjtoret e saj.
Në deklaratë thuhet:
Kuptohet që Serbia kurrë dhe me asnjë kusht nuk do të heqë dorë nga shenjtorët e saj në Kosovë dhe Metohi, dhe ne besojmë se edhe populli shqiptar, i cili është krenar për historinë dhe traditën e tyre të pasur, nuk ka nevojë të shohë për historinë dhe traditën e njerëzve të tjerë”.
Ministria serbe e Kulturës ka deklaruar se shqiptarët nuk po ndalen së provokuari shtetin serb, duke shtuar se deformimin e historisë serbe nuk do mund ta arrijnë asnjëherë.
Një reagim të tillë, ka ardhur edhe nga opnionistë të ndryshëm, të mbajtur debate të ndryshme ku shihet edhe kërcënimi ndaj gazetarit Mema.
Ndërkohë lidhur me këtë çështje nuk ka asnjë reagim nga shteti shqiptar.
