Gjatë ditës së sotme në media qarkulloi një lajm se mesfushori francez Paul Pogba kishte vendosur se do të largohej nga Kombëtarja e Francës pas deklaraatve të presidentit Macron mbi fenë islame.
Presidenti francez Emmanuel Macron ka marrë një nismë për të vendosur një projekt-ligj që do të ndalojë mbajtjen e simboleve fetare dhe kjo sipas tij vjen pasi Islami ështe burimi i terrorizmit ndërkombëtar.
Në një reagim në Instagram, Pogba shkruan se ky lajm i publikuar nga “The Sun” është ‘fake’ dhe aspak i vërtetë dhe se është duke marrë masa ligjore kundër botuesve dhe shpërndarësve të këtyre lajmeve. Më tej Pogba shkruan feja e tij është fejae paqes dhe dashurisë e për këtë duhet respektuar si gjitha fetë e tjera.
POSTIMI I POGBA-s
“ The Sun mashtroi përsëri. Absolutisht 100% lajme të pabazuar mbi mua po qarkullojnë, duke deklaruar gjëra që nuk i kam thënë dhe menduar. Unë jam i tmerruar, i zemëruar, i tronditur dhe i irrituar, disa “media” më përdorin për të bërë tituj totalisht të rremë në temën e ndjeshme të ngjarjeve aktuale franceze dhe duke shtuar fenë time dhe Kombëtaren. Unë jam kundër çdo forme terrori dhe dhune. Feja ime është feja e paqes e dashurisë dhe duhet të respektohet. Fatkeqësisht, disa njerëz të shtypit nuk veprojnë me përgjegjësi kur shkruajnë lajmet, duke abuzuar me lirinë e tyre të shtypit, duke mos verifikuar nëse ato që shkruajnë / riprodhojnë janë të vërteta, duke krijuar një zinxhir thashethemesh pa u kujdesur që ndikon në jetën e njerëzve dhe jetën time. Unë jam duke marrë masa ligjore kundër botuesve dhe shpërndarësve të këtyre 100% Fake News. Por hej, duket se e bëtë përsëri dhe me një temë shumë serioze këtë herë, turp për ju! Shkruan Pogba në Instagram.
