Homeland Justice ka reaguar sot publikisht pas sulimt të një dite më parë tek faqja e INSTAT. Hakerat iranianë shprehen se kanë akses në 100 Terabajt me të dhënat e qytetraëve shqiptar.
“INSTAT është fshehtësi më i madh i së vërtetës”, ky është reagimi që vjen nga grupi i hakerave iranianë, një ditë pasi sulmuan faqen e Institutit Shqiptar të Statistikave.
Sipas grupit “Homeland Justice”, tashmë kanë në dorë të gjitha të dhënat e INSTAT, ndërsa shprehet se këtë sulm e kanë ndërmarrë “për të kthyer drejtësinë në vendin e tyre”.
“ INSTAT është fshehtësi më i madh i së vërtetës. Tani kemi akses të plotë në mbi 100 Terabajt të të dhënave tuaja GIS dhe regjistrimit. Të dhënat janë kopjuar gjithashtu dhe hequr nga serverët. Do ta kthejmë Drejtësinë në atdheun tonë. Të gjitha statistikat janë kundër jush!”, thuhet në reagimin e grupit të hakerave, bërë në rrjetin social Telegram.
Po ashtu një ditë më parë ka reaguar dhe INSTAT, duke konfirmuar se faqja e tyre zyrtare e Ëebit kishte rënë pre e hakerave, por thanë se nuk janë prekur të dhënat e Censit, pasi janë të ruajtura në sisteme të tjera të dedikuara vetëm për këtë qëllim.
