Presidenti Ilir Meta ka emëruar Shemsi Prençin si këshilltar të posaçëm për Emergjencat Civile.
Njoftimin e ka bërë zëdhënësi i Metës, Tedi Blushi, në një postim në Facebook.
“Presidenti i Republikës Sh.T.Z Ilir Meta ka vendosur të emërojë z.Shemsi Prençi Këshilltar të Posaçëm për Emergjencat Civile”, njofton Blushi.
Shemsi Prençi më herë ka qenë në krye të Emergjencave Civile.
Ai u shkarkua nga ministrja Olta Xhaçka në janar të 2018-ës dhe u zëvendësua me Haki Çakon.
Mendohet se shkak për shkarkimin e tij, janë bërë deklaratat në lidhje me përballimin e gjendjes së përmbytjeve.
Ai gjithashtu lëshoi akuza të forta pas tërmetit të 26 nëntorit, duke thënë se në Thumanë është kryer një krim, pasi një prej pallateve të rrëzuar ishte shpallur i pabanueshëm.
