Shqiptarët vazhdojnë të merren me aktivitetet të jashtligjshme në vendet fqinje por jo vetëm Së fundmi një shqiptar i identifikuar si Enver Fusha është kapur në flagrancë teksa shiste lëndë narkotike.
Si pasojë ai është shpallur fajtor dhe është dënuar me 7 vite e 10 muaj burg, ku akuzohet për trafikim dhe shitje të lëndëve narkotike.
Siç raportojnë mediat italiane, Fusha është anëtar i një bande kriminale që operonte në zonën e L’Aquillas. Gjithashtu gjyjkata italiane ka dhënë sot dëinmin edhe për nëntë anëtarët e tjerë të bandës.
Duhet theksuar se vetëm një anëtariI bandës u shpall i pafajshëm. Banda u shiste lëndë narkotike kryesisht studentëve dhe punëtorëve të ndërtimit në këtë zonë. Droga vinte nga Roma dhe Avezzano, ndërsa gjatë operacionit mësohet se janë sekuestruar sasi të mëdha heroine dhe kokaine.
Kujtojmë që para 2 ditësh, Policia italiane ka arrestuar katër shqiptarë, për përfshirje në bandat e trafikut të drogës dhe armëmbajtje pa leje.
Bëhet fjalë për Ani Agasi, 26 vjeç dhe Endri Dama, 23 vjeç, të dy të akuzuar për armëmbajtje pa leje dhe trafik droge. Agasi është dënuar me 4 vjet burg dhe 26 mijë euro gjobë, ndërsa Dama me 4 vjet burg dhe 24 mijë euro. Shqiptarët e tjetër janë Albano Gjoni, i cili është dënuar me 4 muaj burg dhe një gjobë prej 800 eurosh dhe Albi Dama me 16 muaj burg, të dy të akuzuar për trafik droge.
