Një ditë pas ngritjes së aktakuzës për presidentin e Kosovës Hashim Thaçi dhe ish-kreun e Kuvendit, Kadri Veseli, kryeministri Edi Rama është shprehur nga foltorja e Kuvendit se me këtë aktakuzë nuk u u godit Thaçi e Veseli thjesht si individë, për Kosova e mbarë shqiptaria.
“I prekur për aktakuzën ku mes të tjerash Presidenti Thaçi dhe ish-kryeparlamentari Kadri Veseli që të dy nismëtarë në krijimin e bërthamës së rezistencës së armatosur ndaj Milloshevicit, themelues të UCK u dyshuakan për një varg krimesh që sfidojnë edhe kufijtë më të largët të imagjinatës vrasje të orkestruara, përndjekjeje etj.
Ata vendosën jetën e tyre në pikëpyetje për Kosovën e pavaruar.
Fjala dyshim kthehet në një eufemizëm juridik.
Drejtësia është drejtësi dhe nuk është drejtësia në vetvete dhe as kërkimi i saj nga një strukturë e miratuar me vullnetin e vetë Kosovës që ngre pikëpyetje të mëdha”, u shpreh kryeministri Rama.
Ky i fundit u shpreh se ata që e kanë jetuar rininë në një kohë më të hershme, ky lajm ngjan si një fletërrufe, ku fryma asgjesuese e fjalëve reuzon vetë prezumimin e pafajësisë.
“Është leximi i tekstit të shpërndarë në mbarë botën për të lajmëruar nisjen e një procesi gjyqësor ndaj dy figurave të luftës një tekst që edhe sikur të mos ketë zhvillim të mëtejshëm juridik për ne që e kemi jetuar në rininë tonë atë kohë i ngjan një fletërrufeje, ku fryma asgjësuese e fjalëve refuzon vetë prezumimin e pafajësisë.
Goditje jo vetëm ndaj dy emrave të përveçëm, duke u shpërndarë në gjithë botën një njoftim ku nuk është se hidhet një baltë marramendëse mbi këta të dy, as mbi UCK vetë por mbi vetë Kosovën dhe krejt shqiptarinë, sepse për dikë kudo qoftë në çdo pikë të globit ku lajmet shpërndahen me shpejtësinë e dritës që se ka idenë e padrejtësisë që i është bërë Kosovës.
Duke lexuar tekstin e mbrëmshëm që krijon perceptimin e tmerrshëm të një vendi në mes të Europës ku falë krimeve ndaj njerëzimit është instaluar një regjim kriminal”, përfundoi Rama fjalën e vet.
