Të tjera detaje dalin nga ngjarja e ndodhur pak më parë në Lezhë, ku një mjet tip “Ford Focus: që udhëtonte në drejtim të Tiranës është qëlluar me breshëri plumbash.
Në mjetin e sulmuar ndodheshin dy punonjës së Bashkisë së Lezhës, Mirel Ndoka, punonjes i INUV dhe Edmond Mhilli ish-punonjës i njësisë Administrative Zejmen.
Në momentin që janë qëlluar, personat e sipërpërmendur mësohet të kenë parakaluar mjetin nga ku erdhën plumbat. Ata thanë se mjeti është qëlluar në pjesën e poshtme, pra tek gomat.
Policia që ka nisur sakaq hetimet ka sekuestuar edhe kamerat e sigurisë së karburantit me shpresën se ata kanë mundur të fiksojnë automjetin nga ku hapën zjarr dy persona ende të paidentifikuar.
