Një ngjarje e rëndë tronditi Shkodrën paraditen e së martës, ku 34-vjeçari Kolë Manaj plagosi me armë zjarri partneren e tij, Anila Prendushi, dhe më pas i dha fund jetës.
Prendushi, e cila punonte si psikologe, ishte shtylla financiare e familjes, pasi partneri i saj nuk ishte i punësuar.
Sipas burimeve, ajo mbulonte të gjitha shpenzimet, përfshirë edhe ato të të dashurit të saj.
Psikoterapisti Klajd Xhelili, i cili ka punuar me Prendushin, e përshkruan atë si një nga profesionistet më të mira në fushën e saj.
Aktualisht, 44-vjeçarja po trajtohet në spital për shkak të plagës së rëndë që ka marrë në kokë.
“Unë jam psikolog dhe në një nga organizatat ku kam ofruar shërbim, kemi punuar së bashku dhe kam pasur privilegjin të punoj me Anilën. Është një nga ekspertet më të mira në fushën e shërbimeve sociale në Shkodër. Është një person sakrifikues për të gjitha grupet e margjinalizura. Shpresoj që ajo të bëhet mirë”, tha ai.
