Detaje të reja kanë dalë nga plagosja në orët e para të mëngjesit të sotëm në Sarandë, ku mbetën të plagosur me armë zjarri dy persona.
Mësohet se disa persona ende të paidentifikuar kanë sulmuar me armë zjarri biznesmenin Spiro Iljadhi, i cili për pasojë mbeti i plagosur. I plagosur ka mbetur dhe një kalimtar i rastit, një turist shqiptaro-amerikan. Ngjarja ndodhi në afërsi të një lokali, në rrugën Turizëm-Kanali Cukës në qytetin bregdetar.
I plagosuri ka qenë shënjetra e sulmit, pasi ndaj tij është qëlluar rreth 20 herë me breshëri automatiku. Biznesmeni ka marrë plag në bark, ndërsa kalimtari në fundshpinë.
Menjëherë pas ngjarjes së rëndë autorët janë larguar në drejtim të paditur, ndërsa dy të plagosur u transportuan në spital. Turisti i plagosur u transportua me urgjencë në spitalin e Sarandës, ndërsa biznesmeni u transportua me helikopter drejt Tiranës . Pollicia aktualisht po heton në lidhje me ngjarjen dhe po këqyr dhe kamerat e sigurisë për të kapur autorët.
Aktualisht policia është vënë në ndjekje të autorëve dhe po kqyr kamerat përreth vendit ku ndodhi ngjarja për të zbardhur rrethanat.
Spiro Iljadhi, pronari i ‘Bar Orange’, ndaj të cilit sot u qëllua 20 herë me breshëri kallashnikovi, dikur replikonte në rrjejetet sociale me ish-kryeministrin Sali Berisha, pasi ky i fundit e denoncoi se në lokalin e tij i ishte prerë veshi një turisti. Ish-kryeministri Sali Berisha asokohe denoncoi se një turisti i ishte prerë veshi nga pronarët e ‘Bar Orange’, madje në sy të policisë, ndërsa Spiro i kujtoi se punon me ndershmëri dhe se denoncuesi është një rival që kërkon t’a dëmtojë.
