Gjatë testeve të kryera në 24 orët e fundit në Shqipëri, u regjistruan 20 raste të reja në qytetet e Mirditës, Korçës, Shkodrës, Durrësit dhe Tiranës.
Në Mirditë, mësohet se e infektuara punon infermiere në spitalin e qytetit.
Ajo është bashkëshortja e rastit të parë të prekur nga COVID-19, i cili tashmë është shëruar.
Në Korçë ndërkohë, i infektuari i radhës është person kontakti me çiftin e konfirmuar ditën e djeshme.
Gjendja e tij shëndetësore është e stabilizuar dhe po trajtohet në kushte shtëpie.
Në Shkodër, rasti i ri është një 19-vjeçar, nip i 35-vjeçarit të konfirmuar më herët.
Sipas “Abcnews”, nipi i ka bërë frymëmarrje artificiale xhaxhait, kur ky i fundit ishte ndjerë keq.
Kujtojmë këtu se në 24 orët e fundit janë shënuar 20 raste të reja me COVID-19, ku në Durrës u shënua një rritje e frikshme me 12 të raste.
Në total numri të prekurve ka shkuar në 243, nga 1671 teste të kryera.
Në urgjencën e Infektivit janë të shtruar 77 persona, ku 8 prej tyre ndodhen në terapi intensive, 3 prej të cilëve janë intubuar.
