Ministrja e Shëndetësisë, Ogerta Manastirliu, bën me dije se Shefi i Urgjencës, dr. Skënder Brataj dhe dr. Andi Koraqi, të cilët u prekën nga koronavirusi, janë shëruar.
Manastirliu njofton gjithashtu se dy infermierë të tjerë e kanë mundur sëmundjen, duke e çuar numrin e bluzave të bardha të shëruara në 36.
Postimi i Manastirliut
#LajmetëMira për stafet mjekësore 🙏
Më gëzon pa masë lajmi se dr. Skënder Brataj dhe dr. Andi Koraqi e kanë mundur sëmundjen e rrezikshme dhe sot janë të shëruar nga #COVID19🙏🏼
Katër mjekë dhe infermierë janë shëruar në 24 orët e fundit. Deri tani 36 personel mjekësor janë #shëruar nga COVID-19.
248 pacientë dhe staf mjekësor e kanë fituar betejën me #COVID-19
Ditën e sotme ndërkohë u shënuan 8 raste të reja me COVID-19, duke e çuar numrin në 475.
Në mesin e tyre numërohen 24 viktima dhe 248 të shëruar, 16 vetëm në 24 orët e fundit.
Në spitalin Infektiv ndodhen 37 persona, 5 prej të cilëve në terapi intensive, ku 1 është i intubuar.
Ndërsa në spitalin COVID2 ndodhen 7 pacientë, 4 prej të cilëve në terapi intensive.
