Një ngjarje e rëndë u regjistrua mbrëmjen e djeshme në zonën e Alliasit në kryeqytet.
Dy persona të maskuar u futën për të grabitur në banesën e çiftit Petrit dhe Afërdita Laze.
Në momentin e grabitjes, çifti i bashkëshortëve ndodhej në shtëpi.
Ata tentuan të mbronin pronën e tyre nga grabitësit, të cilët i qëlluan me armë zjarri, duke i lënë të plagosur.
Çifti u dërgua menjëherë në spital për të marrë ndihmën mjekësore, ndërsa gjendja e kryefamiljarit ishte pak më e rëndë, për shkak të plumbit që mori në zonën e barkut.
Vajza e tyre 17 vjeç, mësohet të ketë deklaruar përpara policisë, se familja kishte planifikuar të dilte jashtë Tiranës.
“Ishin dy persona të maskuar dhe njëri kishte armë. Kishim planifikuar për të dalë jashtë Tiranës”, është shprehur ajo.
Dyshohet se autorët kishin njohje me çiftin dhe i priste një person i tretë jashtë banesës.
Çifti i bashkëshortëve ndërkohë, janë pronarë të një furre buke në Allias dhe Astir.
