Petrit Laze është biznesmeni i cili u përlesh me grabitësit të dielën në mbrëmje, në banesën e tij në Allias në Tiranë.
Mësohet se brenda në shtëpi u futën dy grabitës, të cilët e qëlluan me armë, pasi i kërkuan paratë.
Ata kërkuan kasafortën dhe më pas tentuan të lidhin me natriban pronarin e shtëpisë.
Ky i fundit në përleshje e sipër mbeti i plagosur, ndërsa autorët qëlluan edhe gruan e tij, Afërditën.
Për fat të mirë plumbat nuk i rrezikuan jetën çiftit Laze.
“Dëgjova zhurmë që u hap dera dhe dola për të parë. Pashë dy të rinjtë të gjatë të maskuar dhe veshur me kapota të gjata dhe të zeza. Njëri kishte pistolete në dorë ndërsa tjetri një armë tjetër më të gjatë. Më thanë ‘duam lekët’! Ku e keni kasafortën?”. Në dorë mbanin një ngjitës natriban dhe u turrën të më lidhnin. U përleshëm dhe më qëlluan. Pastaj qëlluan dhe Afërditën. Ne ulëritëm, kërkuam ndihmë dhe ata u larguan me vrap”, ka thënë biznesmeni Laze, për “Balkanweb”.
Nga hetimet e deritanishme rezulton se autorët e dyshuar të grabitjes janë një fqinj i tyre dhe një i afërm.
Ky i fundit kishte njohje me njërin prej punëtorëve të furrës së bukës të zotëruar nga çifti Laze, i cili mendohet se i ka dhënë informacione për banesën
