Një përplasje mes dy të rinjve në bulevardin e Peshkopisë ka përfunduar me plagosjen e një 23-vjeçari, i goditur me mjet prerës gjatë një konflikti për motive të dobëta.
Autori i dyshuar është identifikuar nga Policia e Dibrës si një 24-vjeçar.
Për shkak të plagëve të rënda, i riu është transportuar me helikopter drejt Spitalit të Traumës në Tiranë, ndërsa hetimet për zbardhjen e plotë të ngjarjes janë në vijim.
Njoftimi i Policisë:
Rreth orës 11.00, në bulevardin e qytetit të Peshkopisë, gjatë një konflikti për motive të dobëta shtetasi I.G., 24 vjeç, banues në fshatin Brezhdan, dyshohet se ka plagosur me mjet prerës (thikë), shtetasin Xh.D., 23 vjeç, banues në fshatin Ushtelenxë, i cili po merr ndihmë mjekësore në spital.
Shtetasi I. G., është shpallur në kërkim dhe vijon puna për kapjen e tij.
Ndërkohë, grupi hetimor, në drejtimin e Prokurorisën vijon punën për zbardhjen dhe dokumentimin e rrethanave të këtij rasti.
