Burrel– Një konflikt ka ndodhur mes disa personave, në rrugën “Kuvendi i Dukagjinit”, lagjia “Partizani”.
A.N., 28 vjeç, është arrestuar nga policia, pasi në bashkëpunim me dy shtetas të tjerë, plagosi dy vëllezër.
28 vjeçari është kapur në flagrancë, kurse dy të tjerët janë arratisur.
Pas identifikimit, L. L., 26 vjeç dhe Xh. M., 24 vjeç, të dy banues në Burrel, janë shpallur në kërkim nga policia.
Ndërkohë, dy vëllezërit A.Sh., 25 vjeç dhe A.Sh., 22 vjeç, banues në Burrel, ndodhen në Spital jashtë rrezikut për jetën.
Sipas policisë, ngjarja ka ndodhur për motive të dobëta.
Dosja i ka kaluar Prokurorisë dhe mbi tre të rinjtë rëndojnë tre akuza: “Vrasja me dashje, mbetur në tentativë, kryer në bashkëpunim”, “Përkrahja e autorit të krimit” dhe “Drejtimi i automjeteve në mënyrë të parregullt”.
Njoftimi i policisë:
“Specialistët për Hetimin e Krimit në Komisariatin e Policisë Mat, kanë bërë arrestimin në flagrancë të shtetasit:
A.N., 28 vjeç, banues në fshatin Shelli, Njësia Administrative Macukull, Bashkia Mat.
Si dhe bënë shpalljen në kërkim policor të shtetasve:
I.L., 26 vjeç dhe Xh. M, 24 vjeç, të dy banues në Burrel.
Ky shtetas në bashkëpunim me dy shtetasit e shpallur në kërkim, pas një konflikti për motive të dobëta, në rrugën “Kuvendi i Dukagjinit”, lagjia “Partizani”, Burrel, kanë plagosur me thikë dy vëllezërit A.Sh., 25 vjeç dhe A.Sh., 22 vjeç, banues në Burrel, të cilët ndodhen në Spital jashtë rrezikut për jetën.
Shërbimet e Policisë pas marrjes së njoftimit për konfliktin që po ndodhte, kanë ndërhyrë menjëherë duke neutralizuar përshkallëzimin e mëtejshëm të konflikit, ku dy prej autorëve kanë mundur të largohen por janë identifikuar dhe shpallur në kërkim.
Materialet proceduriale i kaluan Prokurorisë së Rrethit Gjyqësor Mat për ndjekje të mëtejshme, për veprat penale “Vrasja me dashje” mbetur në tentativë, kryer në bashkëpunim, “Përkrahja e autorit të krimit” dhe “Drejtimi i automjeteve në mënyrë të parregullt”. “
