Alma Kaçi, gruaja e përfshirë në videoskandalin erotik të ish-kreut të Bashkisë Kukës, Safet Gjici ka bërë sërish kërkesë në GJKKO për zëvendësimin e masës së sigurisë.
Mësohet se Kaçi ka kërkuar nga Gjykata e Posaçme një masë më të lehtë sigurie, teksa GJKKO caktoi ndaj saj ‘arrest shtëpie’. Kaçi e argumenton kërkesën e saj me faktin se duhet të punojë dhe të kujdeset për fëmijën e saj të mitur.
Ndonëse Kaçi ka kërkuar disa herë masë më të lehtë sigurie se ajo e ‘arrestit të shtëpisë’, GJKKO nuk e ka aprovuar kërkesën e saj. Ndërkohë, ish-kryebashkiaku Gjici ndodhet pas hekurave nën akuzën e shpërdorimit të detyrës sa i takon një tenderi që do i jepte Kaçit.
