Zoti duket se i ka dëgjuar lutjet e qindra besimtarëve Katolikë, të cilët që ditën e parë që mësuan lajmin, nisën një procesion masiv lutjesh si në kisha edhe në familje, për shëndetin e Arqipeshkvit Imzot George Frendo.
Kjo ka bërë që nga Bari ku ai është shtruar të vijnë lajme të mira në lidhje me shëndetin e Imzot Frendos.
Mësohet se Imzot Frendo, ka kaluar në repart normal në spitalin që ndodhet në Itali i shtruar, pas infektimit me koronavirus.
Mësohet se, Imzot Frendo, ka mbajtur një video telefonatë me ipeshkvin Arjan Dodaj, ku i ka rrëfyer dhe gjendjen e shëndetit të tij, ndërsa është shprehur se, mezi pret që të kthehet në Arqidioqezë.
NJOFTIMI
“Ipeshkvi Ndihmes Imzot Arjan Dodaj na bën me dije se ka pasur sot nje video-telefonat me Arqipeshkvin Imzot George Frendo dhe shefin e repartit ku ndodhet i shtruar. Nga sot Imzot Frendo ka kaluar në një nga repartet normal të Covid.
Situata shendetësore e Imzot Frendos është shumë stabel dhe po mbahet nën monitorim për mushkëritë, e nevojshme që kjo terapi të stabilizohet për ta kthyer në mënyrë të shëndetshme nga prania e virusit.
Situata është shumë e qetë. Imzot Frendo është shprehur se mezi pres të kthehem në Arqidioqezë (Tiranë) për t’iu rikthyer aktiviteteve dhe jetes baritore”.
/GazetaReforma.com/
