Gjykata e Apelit i ka ulur dënimin stomatologes Olesia Duka.
Kjo e fundit akuzohet për mashtrim me shuma të mëdha parash, deri në 3 milion euro.
Në Shkallën e Parë, Duka ishte dënuar me 10 vite burg, por Apeli ka vendosur që të ulë dënimin, shkruan “Dosja.al”.
Janë më shumë se 15 persona, që e akuzojnë stomatologen për mashtrim.
Duka hiqej para viktimave të saj, se ishte një stomatologe e suksesshme dhe paratë që u merrte, do t’ja kthente në sasi më të mëdha.
Nga komunikimet është zbuluar, se pasi u merrte paratë, stomatologia i uronte për biznesin e përbashkët.
Olesia Duka prezantohej si administratore e subjektit “Shëndeti sh.p.k” me profesion mjeke.
Viktimat i mashtronte duke u thënë se kishte në pronësi disa klinika dentare dhe i duhej valutë euro për të blerë materiale.
Për ta bërë edhe më të besueshme skemën, ajo mbante të punësuar edhe dy shoferë.
Gjithashtu Duka hiqej si një person me lidhje të forta politike, ku me të ardhurat sponsorizonte aktivitetet bamirësie për shtresat në nevojë.
Ajo përdorte mediat, rrjetet sociale dhe automjete të ndryshme, për të bërë reklamë.
