Një mjek dhe një infermier janë arrestuar nga Policia e Fierit pasi merrnin ryshfet në këmbim të dhënies së metadonit.
Rasti u denoncua në emisionin investigativ “Stop”, ku në kundërshtim me ligjin dhe me rregullat për përdorimin e Metadonit, 2 punonjës të institucioneve spitalore në qarkun Fier, me qëllim përfitimin e shumave të parave (2000 lekë secili), kanë nxjerrë përpara përgjegjësisë penale këta shtetas.
Në përfundim të këtyre veprimeve, u vunë në pranga, për veprat penale “Korrupsion pasiv i personave që ushtrojnë funksione publike” dhe “Shpërdorimi i detyrës”, shtetasit:
-L. B., 64 vjeç, banues në Fier, me detyrë mjek toksikolog, në spitalin rajonal të Fierit;
-E. M., 36 vjeç, banues në Fier, me profesion infermier në njësinë vendore për kujdesin shëndetësor.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
Drejtoria Vendore e Policisë Fier falënderon gazetarët e emisionit investigativ “Stop”, mediat dhe qytetarët që denoncojnë rastet e paligjshmërive dhe i fton sërish ata që të denoncojnë çdo rast të tillë, në numrin 112, duke iu garantuar anonimat të plotë, reagim të menjëhershëm dhe të paanshëm.
