Një 49-vjeçar shqiptar është përleshur me karabinierët në një bar në Sant’Ilario D”Enza.
Sipas mediave italiane, bëhet fjalë për Altin Ramën, i cili banonte në Castelfranco Emilia të Modenas.
Ngjarja u regjistrua duke u gdhirë mëngjesi i së dielës, në brendësi të bar “Canaan”.
Shqiptari fillimisht, u konfliktua me një nga pronarët e lokalit.
Nën efektin e pijeve alkoolike, shqiptari filloi të ulëriste dhe të kërcënonte pronarin e lokalit.
Më pas ai hoqi rripin e pantallonave, duke kërcënuar pronarin, se do ta godiste.
Ky i fundit lajmëroi policinë, e cila erdhi menjëherë në vendngjarje.
Shqiptari në vend që të qetësohej, u acarua edhe më tej pas ardhjes së karabinierëve.
Ai refuzoi të bashkëpunonte dhe filloi të godiste me shqelma dhe grushte karabinierët, në përpjekje për t’u larguar.
Pas përpjekjeve të shumta, karabinierët arritën që t’i vendosnin prangat dhe më pas e dërguan në komisariat.
Ndërksa dy efektivët e lënduar u transportuan në spital, për të marrë ndihmë mjekësore.
Shqiptari tashmë ndodhet prapa hekurave dhe mbi të rëndojnë një sërë veprash penale si rezistencë, dhunë ndaj zyrtarit publik dhe kërcënim.
