Një person ka ndërruar jetë ditën e sotme në spitalin e Dibrës.
Sipas policisë, 29-vjeçari D.P. u plagos me mjete të forta pas një konflikti të çastit.
Në sherr u përfshinë 4 persona, të cilët ishin duke konsumuar alkool në lokalin e fshatit Sllatinë.
Fillimisht 24-vjeçari Q.P. dyshohet se ka plagosur me thikë 24-vjeçarin me iniciale M.H.
Ky i fundit së bashku me vëllanë e tij, kanë qëlluar më pas me sende të forta 29-vjeçarin D.P.
Goditjet kanë qenë tepër të forta dhe i kanë sjellë vdekjen të riut.
Menjëherë policia ka arrestuar vëllanë e viktimës si dhe dy vëllezërit J.H dhe M.H.
Grupi hetimor ndërkohë po heton shkaqet e kësaj ngjarje të rëndë.
Njoftimi i policisë
Dibër
Zbardhet ngjarja e ndodhur në orët e para të mëngjesit, ku si pasojë e një konflikti të çastit, u plagos me sende të forta dhe humbi jetën në spital një shtetas.
Kapen dhe arrestohen në kohë rekord tre shtetas, ndër to dy vëllezër, autorë të dyshuar të ngjarjes.
Rreth orës 03.00, datë 17.09.2019, fshatin Sllatinë, gjatë një konflikti për motive të dobëta, (konflikt i çastit, pasi kishin konsumuar alkool), në ambjentet e një lokali në fshat, shtetasi Q.P, 24 vjeç, dyshohet se ka plagosur me thikë shtetasin M. H, 24 vjeç, dhe ky i fundit, në bashkëpunim me vëllain e tij, ka plagosur me sende të forta shtetasin D. P, 29 vjeç, ku si pasojë e plagëve të marra ka humbur jetën në spital.
Si rezultat i reagimit në kohë të policisë, dhe veprimeve hetimore të kryera, janë kapur dhe arrestuar autorët e dyshuar të ngjarjes, shtetasit :
Q.P, banues në fshatin Sllatinë (vëllai i shtetasit D.P).
