Katër persona janë arrestuar në Vlorë dhe Sarandë gjatë një operacioni policor të fokusuar në goditjen e shpërndarjes së lëndëve narkotike.
Operacioni, i zhvilluar në kuadër të rritjes së kontrolleve në zonat turistike, çoi në ndalimin e disa shtetasve pas kontrollit në rrugë dhe në banesa.
Të ndaluarit janë: Agron Yzeiraj, 44 vjeç, Neritan Avdiu, 30 vjeç, Klaudja Sadiku, 31 vjeçe dhe Eldi Beshaj, 42 vjeç. Të katër akuzohen për “Prodhim dhe shitje të narkotikëve”.
Sipas Policisë, gjatë kontrolleve në banesat e tyre në Vlorë, Qeparo dhe Sarandë, u sekuestrua lëndë narkotike e dyshuar cannabis sativa, që mendohet se ishte e destinuar për tregun e konsumit në zonat turistike të jugut.
Hetimet vijojnë për të identifikuar lidhje të tjera të mundshme të këtij rrjeti shpërndarësish.
