Gjykata ka pranuar kërkesën e prokurorisë duke lënë në burg pa afat pesë nga gjashtë personat e arrestuar për trafik kokaine, nga operacioni që u realizua ditën e premte në qytetin e Elbasanit dhe të Tiranës.
Masa e sigurisë ka ndryshuar për Lavdosh Demajn, që është kryetar i Grupseksionit të Partisë Demokratike në Elbasan. Ai do të hetohet në detyrim paraqitje, ndërsa pesë personat e tjerë që u arrestuan do të qëndrojnë në burg pa afat.
Operacioni ku u sekuestruan 550 gr kokainë u finalizua pak ditë më parë në Tiranë dhe në Elbasan. Të arrestuarit janë pjesë e grupeve të Emiljano Shullazit në Tiranë dhe Çapjave në Elbasan.
Gjyqtari që ka dhënë vendimin ishte Taulant Tafa dhe në arrest me burg ka lënë;
Klaudjo Trungu
Agron Qafa
Skender Pellumbi
Lorencio Gjini
Klajdi Gjeci
Detyrim paraqitje;
Lavdosh Demaj
Do të vijojnë që të hetohen në gjendje të lirë;
A. Ll.
O. O.
A.F.
Miku i Emiljano Shullazit, Klajdi Gjeçi ishte personi i cili drejtonte këtë rrjet, bashkë me të u arrestuan edhe dy bashkëpunëtorë të grupit të Çapjave, Agron Qafa dhe Lavdosh Demaj, që sot u la në detyrim paraqitje. Ky i fundit mbante edhe postin e kryetarit të Grupseksionit të Partisë Demokratike në Elbasan.
Të arrestuar në këtë operacion ishin edhe Klaudjo Trungu, Skënder Pëllumbi e Lorencio Gjini.
Ndërkohë që u vunë nën hetim në gjendje të lirë, i riu A. LL., dhe dy vajza me iniciale O. O. dhe A. F.
Grupi i drejtuar nga Gjeçi shpërndante drogë në lagjet kryesore në Tirane, përfshirë Tiranën e Re, Stadiumin Dinamo dhe zonën e Bllokut.
