Dy ditë më parë, policia greke kapi nje velierë me mbi 1 ton drogë, e cila ishte nisur nga Shqipëria.
Mediat greke janë shprehur se në velierë ndodheshin 1 ton e 65 kilogramë e 750 gramë marijuanë, ndërsa kishte si destinacion Turqinë. Mendohet se në Turqi do të shkëmbehej me heroinë të pastër.
Policia greke ka arrestuar dy persona nga Ukraina. Ata janë një 28-vjeçar dhe një 42-vjeçar, të cilët ndodheshin brenda velierës së mbushur me drogë.
Policia është duke hetuar nëse kjo ngjarje ka lidhje me ngjarjen e 4 majit në Sivota, Igumenicë. Një tjetër velierë u dyshua për trafik të paligjshëm, por drejtuesi i velierës rriti shpejtësinë e më pas i ka vënë flakën për të humbur gjurmët. Pronari i saj ende nuk është gjetur.
Veliera e kapur quhet “My Dream” dhe ka qenë në gjirin e Sarandës disa kohë më parë për t’u furnizuar me karburant.
