Policia e Lezhës arrestoi 19-vjeçarin Samuel Krosi, i cili u kap me një sasi kanabisi të dyshuar për shitje.
Ngjarja ndodhi gjatë një kontrolli nga Forca e Posaçme “Shqiponja” e DVP Lezhë, që synonte parandalimin e paligjshmërive dhe garantimin e rendit publik.
Automjeti, një “Golf” i ndaluar në lagjen “SMT”, drejtohej nga 22-vjeçari K. B., dhe kishte pasagjerë të tjerë përveç Krosit, të moshave 22 dhe 23 vjeç, të gjithë banues në Mamurras. Gjatë kontrollit, policia gjeti poshtë sediljes së Krosit një sasi kanabisi, që dyshohet se ishte për shitje.
Pas veprimeve procedurale, policia arrestoi 19-vjeçarin, ndërsa për tre personat e tjerë nisi procedimi në gjendje të lirë.
Materialet procedurale i kaluan Prokurorisë pranë Gjykatës së Juridiksionit të Përgjithshëm në Lezhë për veprën penale “Prodhimi dhe shitja e narkotikëve.”
