Dy ditë më parë Fjollës i ndodhi një ironi me mbiemrin (u kap në pikën kufitare të Morinës pasi mbante me vete armë zjarri).
Sot asaj i ndodhi një ironi edhe me emrin (nuk i ecën punët fjollë) ashtu siç po përpiqej të dilte pa u lagur nga kapja e saj dy ditë më parë në Morinë me armë zjarri me vete.
Duke qenë se këngëtarja pretendonte se ishte shtatzënë në muajin e dytë, me urdhër të gjykatës u bë një analizë e dytë për verifikim dhe rezultoi se eko e dytë tregonte që këngëtarja nuk është shtatzënë, por ajo kishte falsifikuar rezultatin për t’i shpëtuar burgut.
Gjatë kohës kur u shoqërua në ambientet e paraburgimit të Kukësit, këngëtarja shqiptare ishte ndjerë keq dhe u dërgua me urgjencë në spital. Aty nga rezultatet dhe nga një eko fillestare doli se Fjolla Morina ishte shtatzënë.
Për këtë, ajo ka kërkuar nga Gjykata një masë më të butë sigurie, jo “Arrest me burg” siç kërkonte prokuroria. Mirëpo, testi i parë i shtatzënisë nuk ka bindur Gjykatën dhe është kërkuar një analizë e dytë e gjinekologëve. Sipas analizave të dyta, këngëtarja Fjolla Morina nuk është shtatzënë.
Tashmë këngëtarja ra nga “shiu në breshër’, pasi përveç akuzësh për ‘armëmbajtje pa leje”, “trafikim armësh”, i rëndohet edhe akuza për falsifikim të dokumentave dhe deklarim të rremë.
Kujtojmë se këngëtarja u kap dy ditë më parë në doganën e Morinës me dy armë zjarri pistoleta me vete, teksa udhëtonte drejt Tiranës me dy miqtë e saj, Fitim Muji dhe biznesmenin Fisnik Syla.
