Një deputet konservator është ‘kapur’ para disa ditësh duke shikuar pornografi në telefonin e tij në Parlamentin e Dhomës së Ulët në Britani.
Neil Parish ka dhënë dorëheqjen nga posti pasi ka pranuar se ka parë të paktën dy herë video pornografike në seancat plenare. Mes lotësh dhe i tronditur, deputeti britanik e ka cilësuar këtë veprim si një moment “çmendurie”.
Ai tha se hera e parë që u kap duke parë pornografi ishte aksidentale, ndërsa hera e dytë e qëllimshme. Ai u pezullua nga Partia Konservatore të premten lidhur me akuzat. Ai u pezullua nga Partia Konservatore të premten për këtë shkak.
Ndërkohë gruaja e deputetit konservator të akuzuar se shikonte pornografi në parlamentin britanik i ka përshkruar akuzat si “shumë të turpshme”.
Sue Parish ka folur për herë të parë që kur dëgjoi nga një reporter lajmesh se burri i saj, Neil, ishte përfolur në lidhje me pretendimet. Çifti janë të martuar prej 40 vitesh dhe kanë dy fëmijë.
Neil Parish është deputet për Tiverton & Honiton dhe kryetar i komisionit të mjedisit të parlamentit. “Ishte e gjitha shumë e turpshme”, tha ajo për The Times. “Më është marrë fryma, sinqerisht”. E pyetur nëse ishte në dijeni që bashkëshorti i saj kishte bërë aktivitete të ngjashme më parë, ajo tha: “Jo. Ai është një burrë mjaft normal, me të vërtetë. Ai është një person i dashur. Është thjesht kaq budallaqe. Njerëzit nuk duhet të shikojnë pornografi. Ai kurrë nuk do të ulej atje me njerëzit që shikonin”.
