Javën e kaluar u infektua me Covid-19, presidenti i FIFA-s Gianni Infantino.
Menjëherë sapo mori përgjigjen pozitive presidenti i FIFA-s u izolua dhe nuk u desh shumë kohë që lajmi të bëhej publik nëpërmjet një komunikate zyrtare të Qeverisë Botërore të Futbollit.
Italo-zvicerani ka thyer heshjten ditën e sotme me anë të një letre zyrtare ku shprehet se ende ka disa simptoma të lehta dhe i falenderon të gjithë ata që i kanë shkruar.
“Të gjithë njerëzit që kanë qenë në kontakt me presidentin ditët e fundit janë informuar dhe u kërkohet të marrin masat e nevojshme.Ndihem disi më mirë, por kam akoma disa simptoma të lehta. Kam marrë shumë letra dhe mesazhe këto ditë, dua t’i falënderoj të gjithë për mbështetjen.
Më keni emocionuar shumë dhe ju falënderoj të gjithëve nga zemra“, deklaron kreu i futbollit botëror, i cili vazhdon të qëndrojë në karantinë, të paktën deri ditën e premte.
