Një ngjarje e rëndë ka ndodhur ditën e sotme në Greqi, ku një burrë në gjendje të rënduar psikologjike ka tentuar që t’i japë fund jetës pasi rezultoi me koronavirus. Sipas mediave greke kjo ngjarje e rëndë ndodhi rreth orës 14:00 në plazhin e Proasteio, në Patra të Greqisë.
Mësohet se burri u hodh në det, duke dashur të bëjë vetëvrasje. Por grupet e shpëtimit ndërhynë në mënyrë të shpejtë dhe të menjëhershme dhe u bë e mundur nxjerra nga deti i burrit, i cili ishte i vetëdijshëm. Ndërkohë që policia ka vijuar hetimet në lidhje me zbardhjen e plotë të ngjarjes në fjalë.
Organizata Kombëtare e Shëndetit Publik, EODY në Greqi, tha se ditën e sotme janë konfirmuar 1195 raste të reja të infeksionit të ri të koronavirusit (COVID-19), nga të cilat 2 u identifikuan pas kontrolleve në hyrjet e vendit. Numri i përgjithshëm i rasteve është 162107. Nddërkohe që 246 pacientë po trajtohen të intubuar, 1155 pacientë të tjerë janë larguar nga ICU që nga fillimi i pandemisë.
EODY konfirmoi sot edhe 19 vdekje të reja nga COVID-19, duke arritur kështu në 5922 vdekje në total në vend. Që prej fillimit të pandemisë në Greqi janë shënuar 160,935 raste infektimi me Covid-19 dhe kanë ndërruar jetë 5,903 pacientë.
