Një ngjarje e rëndë ka ndodhur në një familje shqiptare në ishullin grek të Rodosit. Mediat lokale raportojnë se vëllai 12 vjeç qëlloi tre herë më thikë motrën e tij 11 vjeçare pas një sherri se kush nga ata do të grinte sallatën që do të konsumohej natën e ndërrimit të viteve.
Ngjarja merr përmasa tragjike nisur edhe nga fakti se nëna e familjes kishte ndërruar jetë 9 vite më parë dhe babai rropatej i vetëm për të mbajtur familjen duke punuar në ndërtim në ishull.
Avokati i tij, Stelios Alexandris, duke folur për protothema.gr, deklaroi se kjo ngjarje e pabesueshme ndodhi për një arsye të parëndësishme dhe qesharake. “Të dy të miturit, vëlla e motër u grindën se kush do ta priste sallatën në tryezën e familjes, duke pritur që babai i tyre të kthehej nga puna,” tha avokati.
Një rast qesharak që gati sa nuk përfundoi në tragjedi. 12-vjeçari, duke debatuar me motrën e tij se kush do të priste sallatën, mori thikën e kuzhinës dhe goditi atë duke i shkaktuar tre prerje të thella në kofshë.
Ky moment inati nga ana e 12-vjeçarit shqiptar mund të përfundonte në një tragjedi pasi plagët e bëra ndaj motrës ishin serioze dhe nga humbja e madhe e gjakut u rrezikua edhe jeta e minorenes./Gazetareforma.com/
