Para se të vazhdonte zyrtarisht procesi i votimit një incident u regjistrua në Kolonjë, ku kryetari aktual i bashkisë, Erion Isai u godit me grusht.
Ndëkohë që autori Esmeraldo Kacolli, i cili u arrestua mbrëmjen e së shtunës pas një konflikti në fshatin Qinam, ku mbështetës të kandidatit të djathte E’them Lumani, janë përplasur fizikisht me Erion Isain dhe mbështetësit e tij, është liruar nga burgu.
Gjykata ka vendosur që Kacolli të hetohet dhe gjykohet në gjendje të lirë,pasi vepra penale në ngarkim te tij nuk ishte e rrezikshmërisë së lartë.
Ndërkohë që avokati i Kacollit pohoi se në vendimin e gjykatës ka ndikuar edhe deklarimi i kryebashkiakut Erion Isai, për normalizim të mardhenieve me Kacollin.
Pas denoncimit të Isait, mbrëmjen e së shtunës, policia e Kolonjës arrestoi në flagrancë Kacollin me akuzën e “goditjes për shkak të detyrës”, dhe procedoi në gjendje të lirë mbështetësin tjetër të opozitës Xhemal Kalo për veprën penale “pengim të qarkullimit të mjeteve”.
Kujtojmë që Isai ka qenë duke ecur me mjetin e tij kur e kanë ndalur në rrugë dhe është goditur.
Kryebashkiaku, i cili fitoi edhe një mandat të dytët ka qenë në Qafëzezë duke u kthyer në banesën e vet, kur kandidati i koalicionit “Bashkë Fitojmë” Ethem Lumani së bashku me disa simpatizantë të opozitës kanë bllokuar rrugën dhe e kanë kërcënuar Isain.
