Një 40-vjeçar i cili u gjend ditën e djeshme pa ndjenja në ujërat e lumit Lana, ka ndërruar jetë. Lajmi është bërë i ditur nga Policia përmes një njoftimi zyrtar ku bëhet me dije se personi i identifikuar me iniciale E. D., është transportuar për ndihmë mjekësore por nuk ka mundur të shpëtojë. Ai dyshohet se vuante nga probleme të shëndetit mendor dhe ishte përdorues i lëndëve narkotike.
“Ditën e djeshme, është konstatuar në ujërat e lumit Lana, shtetasi E. D., 40 vjeç, i cili pasi është transportuar në spital, për ndihmë mjekësore, ka humbur jetën. Nga veprimet e para hetimore dyshohet se ky shtetas vuante nga sëmundje të shëndetit mendor dhe ishte përdorues i lëndëve narkotike”, njofton policia.
Punohet për sqarimin e rrethanave të ngjarjes.
