Një ngjarje në Librazhd, ku vjehrri dhe vjehhrra kapin “mat” nusen ndërkohë që ajo ishte duke tradhëtuar burrin e saj që ndodhej në emigrim, ngjalli shumë polemika.
Vjehrri dhe vjehrra pasi dyshonin se nusja e djalit të tyre kishte një partner tjetër, u “siguruan” që jo vetëm ta kapnin në flagrancë, por të mblidhnin të gjithë fisin dhe të realizonin edhe video.
E ftuar në emisionin “Me Zemër të Hapur” e reja nga Librazhdi, burri i së cilës kishte 2 vite në Gjermani tregoi detaje nga momenti kur u zbulua e vërteta. Ajo pretendon se e kanë droguar dhe se nuk e dinë se çfarë ndodhi atë natë.
Gjithashtu e reja thekson se ka dhimbje trupi dhe pas ngjarjes përfundoi në spital.
“Atë natë unë kam fjet gjumë, ata nuk e di, më droguan se di ç’më kishin fut. Çelësin e kanë lënë jashtë. Kishin çelës të vetin ata. Unë konsumova darkë me ta. Unë më merreshin mend atë natë, nuk e di ç’më ndodhi. Atë natë shkova në spital, më vendosën oksigjen, kam ende dhimbje”, u shpreh e reja.
Vlen të përmendim se video ka qarkulluar në të gjithë rrjetin, ku shihet qartë dhuna psikologjike dhe jo vetëm që u bë ndaj të resë, që ngjante si një gjyq publik që po i bëhej për aktin e tradhëtisë.
Tradhëtia është një zgjedhje e individit, i cili ka për detyre morale dhe ligjore të japë llogari para partnerit/es, nuk është një krim.
