Detaje të reja zbulohen pas ngjarjes së rendë të ndodhur mëngjesin e sotëm në liqenin e Sharrës në Tiranë, teksa Lirie Xhepa 49 vjeç është gjetur e dhunuar dhe me 3 plumba në trup.
I dyshuar për vrasjen është kunati i 49-vjeçares, Dashamir Xhepa i cili është shpallur në kërkim policor.
Ata thuhet se kishin një marrëdhënie intime dhe ajo i ka kërkuar të ndahen, por ai nuk ka pranuar, sipas “panorama”.
Gjatë kontrollit në banesë, policia nuk e ka gjetur aty kunatin e viktimës.
49-vjeçarja ishte larguar nga banesa që në mbrëmje pa lenë adresë. Pasi nuk erdhi as ne mëngjes, djemtë e saj shkuan në komisariatin nr.6 për të denoncuar zhdukjen dhe aty morën edhe lajmin se nëna e tyre ishte ekzekutuar.
Trupi i viktimës është gjetur përmbys dhe e veshur lehtë, jo me xhup. Mësohet se gruaja ishte e martuar dhe kishte 10 vite e ve. Ajo banonte pranë zonës ku u gjet e vrarë dhe e hedhur në ferra. Banorët thonë se kanë parë njerëz me makinë në këtë zonë.
Do duhen analiza të posaçme për të përcaktuar orën e vdekjes por sipas informacioneve të grupit hetimor, gruaja është vrarë brenda 24 orëve të fundit.
Viktima merrej me blegtori, dhe së fundmi kishte nisur punë pranë një fabrike këpucësh.
