Tre persona vodhën nga një kompani në Fushë-Mëzez tre ditë më parë lëkurë për tapiceri makine.
Ditën e sotme gjykata ka lënë në burg Ajet Selën dhe Arjan Muratin, ndërsa Vebi Shahu është liruar.
Plani për grabitje është bërë në shtëpinë e Vebi Shahut, i cili kishte thirrur dy bashkëpunëtorët.
Shahu është edhe ish-punonjës i kësaj kompanie.
Grabitësit u futën në kompani përmes tubit të ajrimit dhe kur dolën u përballën me një patrullë policie.
Ata nuk iu bindën thirrjes për të ndaluar dhe pas ndjekjes me vrap, janë vënë në pranga nga policia.
Gjatë kontrollit fizik atyre iu gjetën leva dhe lëkurat që kishin vjedhur nga kompania.
