Një ngjarje tragjike ka ndodhur mëngjesin e sotëm në plazhin e Qerretit, në Kavajë, ku një pushues 73-vjeçar ka humbur jetën pasi dyshohet se ka pësuar arrest kardiak sapo hyri në det për t’u larë.
Viktima, me inicialet H.U., ishte banues në qytetin e Kavajës dhe kishte shkuar për të kaluar paraditen buzë detit, por nuk arriti t’i mbijetonte gjendjes së rëndë shëndetësore.
Ngjarja është regjistruar rreth orës 10:00, kur dëshmitarë pranë vendit të ngjarjes kanë vërejtur se i moshuari kishte humbur ndjenjat në ujë.
Ai u nxor menjëherë në breg, por pavarësisht përpjekjeve për ta ndihmuar, ndërroi jetë në vendngjarje.
Policia dhe grupi hetimor mbërritën menjëherë në vend, ndërsa janë duke punuar për të dokumentuar rrethanat dhe shkakun e saktë të vdekjes.
Ky është rasti i parë i shënuar në plazhet shqiptare për këtë sezon turistik.
