Një ngjarje e rëndë ka tronditur zonën e liqenit të Grizhës mbrëmjen e djeshme, ku një 38-vjeçar ka ndërruar jetë pasi u fut në ujë për t’u larë dhe nuk doli më.
Sipas njoftimit të Policisë, shtetasi E. N. u zhduk rreth orës 19:00, ndërsa alarmi u dha pas mesnate, në orën 00:15 të datës 3 qershor.
Shërbimet e Policisë Vendore dhe ato Kufitare nisën menjëherë kërkimet, të cilat përfunduan disa orë më vonë me gjetjen e trupit të pajetë në ujë.
Hetimet paraprake tregojnë se 38-vjeçari mund të ketë pësuar arrest kardiak gjatë kohës që ishte në liqen.
Megjithatë, grupi hetimor vijon punën për të sqaruar të gjitha rrethanat dhe për të përcaktuar me saktësi shkakun e vdekjes.
