Një zjarr shpërtheu në një bllok banesash në Alby të Suedisë. Ngjarja ka ndodhur të dielën në mbrëmje.
Sipas mediave suedeze, një shqiptar së bashku me disa fqinjë të tij, janë kthyer në heronjtë e vërtetë të ngjarjes. Ata u kanë ardhur në ndihmë personave që u rrezikohej jeta, duke shpëtuar nga flakët edhe një burrë.
Flakët që përfshinë zonën, ishin të mëdha dhe nëse disa banorë nuk do të ndërhynin për të ndihmuar njerëzit, shumica e tyre do të kishin humbur jetën. Sipas ekspertëve, zjarri fillimisht kishte rënë në kuzhinën e një banese e më pas ishte shpërndarë me shpejtësi, ku brenda banesës gjendej edhe burri i cili ka shpëtuar për fat të mirë.
Shqiptari Kelman Qibini ishte futur i pari për të shpëtuar fqinjët. Ai së bashku me bashkëshorten e tij Matilda kishin vetëm tre muaj që ishin transferuar në zonë, por që janë kthyer në heronj të vërtetë.
Kelman kishte nxjerrë një burrë nga zjarri, i cili ishte lëndyuar vërtet shumë.
“Ka qenë e vështirë të flemë sonte. Jam akoma i mërzitur nga ajo që ndodhi” tha më pas Kelman Qibini. Më pas Kelmani tregon edhe se si mori vendimin për të hyrë brenda banesës në flakë. “Kam dëgjuar që burri të bërtasë për ndihmë,” ka thënë Kelman.
