Dyshimet rreth të ardhmes së kreut të pankinës franceze, Didier Deschamps kanë marrë fund. Në një intervistë dhënë për Le Figaro, të enjten 8 korrik, presidenti i Federatës Franceze të Futbollit (FFF), Noël Le Graët, konfirmoi se Didier Deschamps do të qëndronte në krye të ekipit të Francës deri në 2022, viti i Kupës së Botës në Katar. Le Graët tha se nuk kishte asnëj debat, duke shtuar se çështja ishte zgjidhur Brenda tre minutash.
“Vullneti i tij për të vazhduar është shumë i fortë, edhe imi”, tha ai, duke treguar besim të pafund te Didier Deschamps.
Pas eliminimit të hershëm të Francës në Euro 2021 kundër Zvicrës, stoli i Didier Deschamps u vu në pikëpyetje. Por qëllimi mbetet Kupa e Botës për trajnerin, i cili do të duhet të rindërtojë grupin e tij, ende i zhgënjyer nga disfata më 28 qershor. “Ekziston një pyetje për të cilën ne të dy nuk kishim përgjigje: si arritëm të pësonim dy gola në dhjetë minuta kundërZvicrës? Me rezultatin 3-1 të gjithë ne menduam se kishim fituar …”, tha Le Graët. Presidenti i FFF gjithashtu konfirmoi se stafi pranë Deschamps do të mbetet i pandryshuar.
Kujtojmë se Deschamps është Kampion Bote me Francën si lojtar në vitin 1998 dhe si trajner në vitin 2018. Ekipi i tij fitoi ndaj Kroacisë në finale duke siguruar për herë të dytë trofeun më të rëndësishëm në rang kombëtaresh.
