Humbja përballë Korabit dhe eleminimi i sotëm nga Kupa e Shqipërisë i ka kushtuar shumë trajnerit teknik të Tiranës, Emmanuel Egbo.
Rezulatet e dobëta të ndeshjeve të fundit e kanë detyruara stafin drejutes të bardhebluve të Tiranës që të largojnë nigerianin 47-vjeçar i cili e mori drejtimin e klubit më të titulluar të futbollit shqiptar dhjetorin e vitit të kaluar dhe ia doli të dërgonte ekipin te titulli kampion sezonin e kaluar.
Vendin e Egbosë te Tirana pritet ta marrë ish-kapiteni i bardhebluve Nevil Dede. Te Tirana mendojnë t’i besojnë drejtimin e skuadrës një trajneri që e njeh ambientin bardheblu dhe për këtë arsye rriten kuotat që në stol të emërohet trajneri aktual i Kombëtares së 19-vjeçarëve.
Njoftimi i klubit:
Klubi i Futbollit Tirana njofton shkarkimin e trajnerit Emmanuel Egbo.
Pas ecurisë jo të mirë të skuadrës në ndeshjet e fundit, Egbo nuk do të jetë më në krye të bardhebluve për shkak të rezultateve të munguara.
Klubi e falenderon për përkushtimin dhe sukseset e arritura, të cilat kulmuan me kthimin e titullit kampion në shtëpi.
Duke i uruar suksese në karrierën e tij, kampi i kampionëve i jep një meritë të vecantë të suksesit në sezonin e shkuar njeriut që prej vitesh ishte edhe do të jetë pjesë e familjes së bardhebluve. Faleminderit Egbo!
