Detaje të reja kanë dalë nga atentati që ndodhi mbrëmjen e kaluar në Greqi, ku u vra 32-vjeçari shqiptar Roan Brahimi, i njohur edhe si Sidorel Prendi, dhe u plagos bashkëshortja e tij, Katerina Beqo.
Gazetari grek Vasili Lampropoulos raportoi se pas ngjarjeve në Shqipëri, Brahimi kishte qëndruar për një kohë të gjatë në Greqi, ndërsa më parë jetonte në Dubai. Ai kishte udhëtuar gjithashtu në Spanjë, Itali dhe Francë, dhe besohet të ketë qenë i përfshirë në trafikun e drogës për shkak të së kaluarës së tij kriminale.
Ka dyshime se vrasësit ndiqnin periodikisht partneren dhe fëmijën e Brahimit në Greqi, derisa arritën ta ekzekutonin. Identiteti i autorëve mbetet i panjohur dhe hetimet vazhdojnë.
**Kush ishte Roan Brahimi?**
Roan Brahimi ishte një emër i njohur për policinë dhe drejtësinë shqiptare. Ai dyshohej se kishte marrë pjesë në atentatin ndaj Ylli Ibrahimit, ku humbi jetën Klisman Preçi. Ngjarja ndodhi në vitin 2021 në një lokal në Zejmen të Lezhës, ku Brahimi dhe bashkëpunëtorët e tij hynë të armatosur me kallashnikov. Për të njëjtin rast u shpallën në kërkim edhe Ramazan Rraja dhe Alesio Dobrozi.
Sipas dokumenteve sekrete të policisë, konflikti midis Brahimit dhe Ylli Brahjas lidhej me lojërat e fatit. Brahja thuhet se e çoi Brahimin te baza e Er
