Pak kohë më parë u bë publik lajmi se lideri i opozitës serbe është dhunuar nga shërbimet sekrete pasi kishte kërkuar falje për krimet e kryera nga serbët në luftën me Kosovën para varrit të Adem Jasharit.
Dje u tha se shërbimi sekret nuk ka ushtruar dhunë kundër Nikola Sanduloviq, ndërsa dëshmitë e familjarëve të tij tregojnë komplet të kundërtën.
Familja e Nikola Sanduloviç thotë se ai u mor nga shtëpia e tij më 3 Janar pasi kërkoi falje për krimet e kryera nga serbët kundër shqiptarëve etnikë gjatë luftës së Kosovës për pavarësi në vitin 1988 dhe 1989.
Lidhur me këtë sulm ka folur edhe vajza e liderit të opozitës, e cilapas takimit të të atit në burg, bëri thirrje që babai i saj të transferohej në një spital civil dhe jo në objektin ushtarak në Beograd, ku ai mbahej. Ajo thotë se babai i saj është i paralizuar nga ana e djathtë dhe në gjendje të rëndë shëndetësore.
“Ai komunikon, por është plotësisht i paralizuar në anën e djathtë; në një karrige me rrota dhe në një gjendje shumë të keqe shëndetësore”, tha ajo në një deklaratë të lëshuar përmes avokatit të babait të saj, Michael Polak.
Familja beson se Sanduloviq, lideri i partisë Republikane Serbe dhe kritik i rregullt i Partisë Progresive Serbe (SNS), mund të jetë “helmuar”.
