Ish-ministri i Brendshëm, Saimir Tahiri ka ankimuar vendimin e gjykatës së krimeve të rënda me 3.4 vite burg, që do të konvertohet në 3 vite shërbim prove.
Tahiri u shpall fajtor me akuzën për shpërdorim detyre.
Trupa gjykuese hodhi poshtë akuzat e trafikut të drogës dhe grupit të strukturuar, por doli në konkluzionin se ka prova të mjaftueshme, për ta fajësuar për shpërdorim detyre.
Tahiri u shpreh pas seancës, se vendimi ishte as për qarë as për qeshur.
“As qesh dot as qaj dot. Nesër po ju ftoj të ndajmë bashkë ca mendime. Mu duk një gjë tipit ‘je i pafajshëm po nuk kemi këllqe ta themi”, tha ish-ministri.
Gjithashtu edhe prokurorët e çështjes shprehën pakënaqësi për vendimin, duke thënë se do ta apelojnë.
Hetimet për Tahirin zgjatën rreth dy vjet.
