Një 54-vjeçar shqiptar në Greqi është dënuar me burgim të përjetshëm, pasi u kap me 16 kg hashash.
Shaban Veizi, në një intervistë për gazetarin Shpëtim Zinxhiria, tregon se po kalbet në burgun e Xanias.
Ky është një rast i rrallë si për drejtësinë greke, por edhe për indiferentizmin e shtetit shqiptar.
Veizi është dënuar në 2004-ën nga drejtësia helene, me një gjyq që zgjati vetëm dy minuta.
Shqiptari thotë se dënimi ekstrem, vjen për shkak se është pjesë e komunitetit çam, shkruan “Syri.net”.
Shqiptari kishte gjyqin më 15 maj të këtij viti, por shteti grek nuk i dha avokat.
“Më 15 maj të këtij viti shqiptari kishte gjyqin ne Gjykatën e Shkallës së Lartë, por si shqiptar apo ÇAM, atij nuk i kishin dhënë avokat, kështu qe shqiptari kërkoi shtyrjen e gjyqit, i cili do të bëhet me 18 shtator të këtij viti, por edhe këtë radhe shqiptari shkon pa avokat mbrojtës”, shkruan Shpëtim Zinxhiria.
Më tej babai i dy fëmijëve kërkon nga shteti shqiptar që të ndërhyjë dhe të sigurojë një avokat mbrojtës.
