Para më shumë se 3 javësh, muajin e kaluar, një sasi tritoli ka shpërthyer në shtëpinë e kreut të të FSHF, Armand Duka në Durrës. Lënda plasëse ishte vendosur në derën e jashtme të banesës private të Dukës, në lagjen nr. 4 të qytetit bregdetar dhe si pasojë pati vetëm dëme materiale në pjesën e jashtme.
Ndërkohë që disa ditë më vonë u arrestua autori i dyshuar Arlen Hasanaj, pronar i një biznesi në qytetin bregdetar, si dhe banor i lagjes numër 4.
Kujtojmë që vetë Duka pas ngjarjes u shpreh se shte një person me kapuç ai që i vendosi lëndën eksplozive dhe se ne momentin e ngjarjes ai nuk ndodhej ne shtepi.
Ndërkohë që ditëne sotme u lirua nga burgu Arlen Hasanaj, i cili u arrestua për vendosjen e lëndës plasëse jashtë banesës së presidentit te FSHF-së, Armand Duka. Gjykata e shkallës se parë ka pranuar kërkesën e avokatit për ndryshim të masës së sigurisë nga ‘arrest ne burg’ ne ‘detyrim paraqitje’.
Gjykata pranoi provat e grumbulluara nga pala mbrojtëse dhe ndryshoi masën e sigurisë për 36-vjeçarin. Avokati Ilia Ilia tha se u kërkua ndeshim mase sigurie për mungesë te provave që implikojne Hasanajn.
Më herët avokati i Arlen Hasanajt, Ilia Ilia tregoi itinerarin e lëvizjes së klientit të tij ditën e ngjarjes. Ai theksoi se në orën 22:03, kur kamerat e një lokali pranë shtëpisë së Armand Dukës fiksuan një person duke ndezur tritolin, klienti i tij ndodhej në banesë duke parkuar makinën e tij dhe të bashkëshortes. Me këtë alibi, avokati i tij u shpreh se është e pamundur që një person të ndodhet në dy vende njëkohësisht. Gjithashtu, Ilia akuzoi prokurorinë dhe gjykatën e Durrësit se dëshirojnë qëllimisht për këtë ngjarje të dënojnë një person dhe se po u nënshtrohen interesave përtej ligjit.
