Në Selanik, në zonën e Neapolit është kapur një shqiptar 36-vjeç. Ai u arrestua nga policia teksa lëvizte me makinë ku ju gjet 1 pistoletë dhe disa fishekë.
Ai i paraqiti policisë një dokument identifikimi fals, por nga kontrolli rezultoi se bëhej fjalë për një shqiptar, i cili kishte marrë leje në shkurt 2017 nga burgu i Kasandrës dhe nuk ishte kthyer më, ndërkohë që vuante dënim me burgim të përjetshëm për vrasje, armëmbajtje pa leje dhe vepra të tjera.
Ndërkohë në aksin Patra-Pirgo, në vendin e quajtur Manoladha, është kapur një tjetër shqiptar, identiteti dhe mosha e të cilit nuk bëhen të ditura. Brenda në mjetin e tij u gjet një armë zjarri kallashnikov me një krëhër me 30 fishekë dhe një palë dorashka.
Ai kishte marrë leje nga burgu në 24.04.2019 dhe nuk ishte kthyer, ku vuante dënim me 21 vjet e 8 muaj burg për grabitje, trafik droge, armëmbajtje dhe falsifikime.
