Vladimir Gjuta u arrestua më 4 janar, pasi u akuzua se kishte rrahur me çekiç kushëririn duke i thyer dhëmbët dhe duke i dëmtuar njërin sy.
Mësohet se ditën e sotme ai ka lënë paraburgimin.
Ndaj tij ishte caktuar masa e sigurisë “Arrest me burg” për “Plagosje të rëndë”.
Mirëpo ekspertiza mjeko-ligjore ka dalë në konkluzionin se plagosja ka qenë e lehtë.
Gjithashtu kushëriri i tij u tërhoq nga ankimimi dhe prokuroria kërkoi revokimin e masës së sigurisë.
Më pas gjykata vendosi që ta lërë të lirë.
Vladimir Gjuta ka pasur probleme me drejtësinë edhe në të shkuarën.
Më herët ai është arrestuar për dhunë ndaj babait të tij, ndërsa u akuzua edhe për vendosjen e tritolit në farmacinë e babait të ish-Ministrit të Brendshëm, Saimir Tahiri.
Në përfundim të hetimeve për vendosjen e tritolit, Gjuta u lirua nga burgu i Elbasanit, ku qëndroi për disa muaj.
